Lisboa, Coimbra e Aveiro: 25 ao 28 de outubro de 2023

O alumnado de 4.º ESO e de 1.º Bacharelato realizaron unha visita didáctica a Portugal, concretamente á súa capital Lisboa e tamén a Coimbra e Aveiro.
A primeira parada foi na cidade universitaria de Coimbra. No día seguinte, xa en Lisboa fixemos unha vista guiada ao Palacio da Ajuda e tamén á Biblioteca da Ajuda, onde nos explicaron a súa historia e puidemos ver o Cancioneiro da Ajuda que está nesta biblioteca desde o século XIX. É a máis antiga colección de cantigas escritas en galego-portugués e que está datado a finais do século XIII ou comezo do XIV.
Tamén visitamos a Boca do Inferno, Cascais, Estoril e na zona de Belém: a Torre de Belém, o Padrão dos Descobrimentos, o Mosteiro dos Jerónimos e probamos os famosos pasteis de Belém.
Ao día seguinte tocou a cidade de Lisboa coas famosas Praça dos Restauradores, Praça de D. Pedro IV, Praça da Figueira, a rúa Augusta e o seu grande Arco e a Praça do Comercio (Terreiro do Paço). Tamén visitamos o Bairro Alto, o Chiado e a Alfama, coa Sé de Lisboa e o castelo de São Jorge.
O último día, para rematar a visita a Portugal de regreso a Celanova paramos en Aveiro onde vimos os famosos molicieiros.